Teacher's Diary (Story of Thailand)

កំណត់ហេតុប្រចាំថ្ងៃរបស់គ្រូ

(Story teacher diary)

    Teacher Diary គឺជាខ្សែភាពយន្តមួយដែលបង្ហាញអំពីគ្រូបង្រៀន ការតស៊ួរបស់គ្រូបង្រៀននិងមនោសញ្ចេតនារវាងគ្រូនិងសិស្សហើយនិងស្នេហាដែលមិនស្របទិសគ្នាជាដើម។ក្នុងរឿងក៏បានបង្ហាញអោយយើងចេះជ្រើសរើសផ្លូវគោលដៅនៃជីវិតនិងជ្រើសរើសដៃគួដែលមានគំនិតប្រហាក់ប្រហែលគ្នាឬដូចគ្នាទើបជីវិតប្រកបដោយសុភមង្គល។

 រឿងនេះនិពន្ធឬផលិតឡើងដោយជនជាតិថៃមានឈ្មោះដូចខាងក្រោម៖

•  ជីរ៉ា ម៉ាលីគោល​ (Jira Maligool) 
• ឈិនឈូណានី (Chenchonnanee) 
• សួនថូនសារ៉ាតូល​ (Soonthonsaratul), 
• សួវីមុល ធិចាសួភីនាន (Suwimol Techasupinan)  
• និង វានរួឌី ផុងស៊ីធីសាក់ (Wanruedee Pongsittisak) ដែលពួកគាត់ជាផលិតករ។
• លោក នីធីវ៉ាត់ ថារ៉ាថុន (Nithiwat Tharatorn)ជាអ្នកដឹកនាំរឿង​​។  និពន្ធដោយ​
• លោក ថូសាភូល ធីបទីនកុំ (Thodsapol Thiptinkorn),​ 
• សួផារ៉ាក់ នីងសានុន  (Suparuek Ningsanon), 
• សូផាណា ឆៅវីវ៉ាតកុល (Sopana Chaoviwatkol) និងលោក 
• នីធីវ៉ាត់ ថារ៉ាថុន (Nithiwat Tharatorn)​​។​

      

       សាច់រឿងនេះមានពីដើមដល់ចប់គឺមានសភាពត្រឡប់ទៅមុខថយក្រោយមើលទៅឃើញថាត្រឡប់ត្រឡិនស្មុគស្មាញ ប៉ុន្តែដំណើររឿងមិនមានភាពស៊ាំញ៉ាំដែលធ្វើឱ្យអ្នកទស្សនាធុញទ្រាន់នោះឡើយ។ ពីមួយឈុតទៅមួយឈុតសាច់រឿងមានភាពប្រទាក់ប្រទាញគ្នាទៅវិញទៅមកហើយធ្វើអោយរឿមានភាពរស់រវើក ។ ការសម្តែងរបស់តួនីមួយៗមើលទៅដូចជាលក្ខណៈចេញពធម្មជាតិ មិនមានភាពរអាក់រអួលត្រង់ណាដែលគួរឱ្យចាប់អារម្មណ៍នោះឡើយ។ ជាពិសេត្រង់ឈុតដែលមានព្យុះមើលទៅដូចពិតជាក់ស្តែងមិនដូចការសម្តែងឬការច្នៃប្រឌិតបន្តិចសោះឡើយ។ សំណួរសួរថាតើប្រសិនជាឈុតត្រង់ព្យុះភ្លៀងណឹងមិនមែនជាការច្នៃប្រឌិតតើហេតុអ្វីទើបអាចថតឈុតនោះបាន? តើមុនថតគេដឹងថានឹងមានខ្យល់ព្យុះនៅយប់នេះឬមានភ្លៀងនៅយប់នេះដើម្បីធ្វើការរង់ចាំថតនៅពេលនោះមែនដែរទេ? 

ទីកន្លែងគឺជាទីតាំងពិត ស្ថិតនៅក្នុងស្រុកថៃ ខេត្ត ឡាំ ពួន​ (Lamphun Province) ភាគខាងជើងនៃប្រទេសថៃ។លើសពីនេះទៀតនោះគឹចំនុនសំខាន់បំផុតនៃសាច់រឿង (climax)មើលទៅមានភាពសាមញ្ញ ប៉ុន្តែក៏ជាចំនុចដ៏ពិសេសនៅក្នុងរឿងនេះ ដែលអ្នកនិពន្ធបានកំណត់ឱ្យតួអង្គទាំងពីរ បានជួបគ្នា។ ហើយមុននិងឈានដល់តួទាំងពីរជួបគ្នា អ្នកនិពន្ធបានបង្កើតបញ្ហាជាច្រើនលើកច្រើនសារដែលធ្វើឱ្យអ្នកទស្សនាជ្រួលច្របល់និងអន្ទះអន្ទែងដោយសារអ្នកទស្សនាចង់ឱ្យតួអង្គទាំងពីរបានជួបគ្នា។